චීන සහකාර විදේශ අමාත්ය ලියු බින් මහතා ඊයේ (5) ඉරාන නියෝජ්ය විදේශ අමාත්ය Kazem Gharibabadi මහතා හමුවිය. ඉරාන න්යෂ්ටික ගැටළුවේ වත්මන් තත්ත්වය පිළිබඳව දෙපාර්ශ්වය අදහස් හුවමාරු කර ගත්හ.
දේශපාලනික හා රාජ්යතාන්ත්රික ක්රම මගින් ඉරාන න්යෂ්ටික ගැටළුව සාමකාමීව විසඳීමට චීනය ඉදිරිපත් වන බවත්, බලහත්කාරී හා සම්බාධක පැනවීමේ තර්ජනවලට විරුද්ධ බවත් ලියු බින් මහතා එහිදී ප්රකාශ කළේය. න්යෂ්ටික බලශක්තිය සාමකාමීව භාවිත කිරීම සඳහා ඉරානයට ඇති නීත්යනුකූල අයිතියට චීනය සහාය දක්වයි. න්යෂ්ටික අවි සංවර්ධනය කිරීමේ අභිප්රාය නොමැති බව ඉරානය නැවත නැවතත් අවධාරණය කර ඇති බව චීනයේ අවධානයට ලක්ව තිබේ. ඉරාන න්යෂ්ටික ගැටළුවට නිසි විසඳුමක් ප්රවර්ධනය කිරීම සඳහා චීනය ජාත්යන්තර ප්රජාව සමඟ කටයුතු කරනු ඇතැයි ද චීන සහකාර විදේශ අමාත්යවරයා පැවසීය.
ඉරාන න්යෂ්ටික ගැටළුව සම්බන්ධයෙන් චීනයේ වෛෂයික සහ අපක්ෂපාතී ස්ථාවරය අගය කරන බවත් චීනය සමඟ සන්නිවේදනය සහ සම්බන්ධීකරණය පවත්වා ගැනීමට කැමැත්තෙන් සිටින බවත් ඉරාන නියෝජ්ය විදේශ අමාත්යවරයා එහිදී ප්රකාශ කළේය.
