චීනය පසුගිය 26 වැනිදා නිල වශයෙන් නිකුත් කළ පස්වැනි ජාතික ආර්ථික සංගණනයේ ප්‍රතිඵල බොහෝ විදෙස් මාධ්‍ය විසින් ධනාත්මකව ඇගයීමට ලක් කර ඇත.
අදාළ දත්තවලට අනුව, 2023 වසරේ දී චීනයේ දළ දේශීය නිෂ්පාදිතය යුවාන් ට්‍රිලියන 130කට ආසන්න වන අතර, ඒ සමඟම ලෝක ආර්ථිකයේ සමස්තයක් ලෙස චීනය ලොව රටවල් අතර දෙවන ස්ථානයට පත් වේ. පසුගිය වසර පහ තුළ ලෝක ආර්ථික වර්ධනය සඳහා චීනයේ දායකත්වය 30% ක් පමණ වන අතර එය ගෝලීය ආර්ථික සංවර්ධනය සඳහා විශාලතම වර්ධන මූලාශ්‍රය බවට පත් ව තිබේ.
එදිනම ලෝක බැංකුව මේ වසරේ සහ ලබන වසරේ චීන ආර්ථික වර්ධන පුරෝකථනය ද ඉහළ නැංවීය.
සංගණන දත්ත සත්‍ය සහ නිවැරදි වන අතර, පසුගිය වසර පහ තුළ චීනයේ ආර්ථික සංවර්ධනයේ වෙනස්කම් විෂයාත්මකව පිළිබිඹු කර ඇති බව විශ්වාස කෙරේ. එවැනි ජයග්‍රහණ ලබා ගැනීමට ප්‍රධාන වශයෙන් හේතු වී ඇත්තේ චීන රජය විද්‍යාත්මක හා ඵලදායී සාර්ව පාලන ප්‍රතිපත්ති ක්‍රියාවට නැංවීම සහ නව නිෂ්පාදන ඵලදායිතාවේ සංවර්ධනය වේගවත් කරමින් උසස් තත්ත්වයේ ආර්ථික සංවර්ධනයක් ප්‍රවර්ධනය කිරීම බව ආර්ථික විශේෂඥයින් ද පවසා ඇත.
පසුගිය වසර පහ තුළ, ගෝලීය ආර්ථිකයපසුගාමී වීම, භූ දේශපාලන කැළඹීම් තීව්‍ර වීම, අඛණ්ඩව නැගී එන වෙළඳ ආරක්ෂණවාදය සහ නව කොරෝනා වසංගතයේ බලපෑම හමුවේ, චීන ආර්ථිකය පීඩනයට ඔරොත්තු දී ඇත. එය ව්‍යුහාත්මක ප්‍රශස්තකරණය, නවෝත්පාදනය හරහා සංවර්ධනය මෙහෙයවීම සහ හරිත පරිවර්තනය යනාදී ක්ෂේත්‍රවල ධනාත්මක වෙනස්කම් රැසක් පෙන්නුම් කර ඇත.
“වඩා සමෘද්ධිමත් චීනය ගෝලීය ආර්ථිකයට ස්ථාවරත්වය එන්නත් කරනු ඇති අතර වඩාත් විවෘත චීනය ලෝකයට ප්‍රතිලාභ ලබා දෙනු ඇත” යනුවෙන් බෙල්ජියම්-චීන ආර්ථික හා වෙළඳ කොමිසමේ සභාපතිවරයා පැවසීය.
