චීනය සහ ඇමරිකාව බහු මට්ටම්වල ආර්ථික හා වෙළඳ ක්ෂේත්‍රවල ඔවුන්ගේ අදාළ සැලකිලි සම්බන්ධයෙන් සමීප සන්නිවේදනයක් පවත්වාගෙන යන බව චීන වාණිජ අමාත්‍යංශය පවසයි.
චීනය හා ඇමරිකාව එළඹෙන අගෝස්තු ආරම්භයේ සාකච්ඡා පවත්වන්නේද යන්න පිළිබඳව මාධ්‍යවේදීන් නගන ලද ප්‍රශ්නවලට ප්‍රතිචාර දක්වමින් චීන වාණිජ අමාත්‍යාංශ ප්‍රකාශිකා He Yongqian මහත්මිය මේ බව පැවසුවාය.
මෙම වසරේ මැයි මාසයේ සිට, චීන හා ඇමරිකා රාජ්‍ය නායකයින් එළඹ ඇති එකඟතාවන්හි මඟ පෙන්වීම යටතේ, දෙපාර්ශ්වයේ ආර්ථික හා වෙළඳ කණ්ඩායම් ජිනීවා සහ ලන්ඩනයේදී ඉහළ මට්ටමේ ආර්ථික හා වෙළඳ සාකච්ඡා පවත්වා, ජිනීවා සම්මුතිය සහ ලන්ඩන් රාමුවට පැමිණ තිබෙන බව ඇය සඳහන් කර ඇත. දෙපාර්ශ්වය අදාළ ප්‍රතිඵල හැකි ඉක්මනින් ක්‍රියාත්මක කිරීමෙන් දෙරට ආර්ථික හා වෙළඳ සබඳතා ඉන් ස්ථාවර වී තිබේ.
එම ප්‍රකාශිකාව සඳහන් කළ පරිදි, වත්මන් චීනය සහ ඇමරිකාව බහු මට්ටම්වල ආර්ථික හා වෙළඳ ක්ෂේත්‍රවල ඔවුන්ගේ අදාළ සැලකිලි සම්බන්ධයෙන් සමීප සන්නිවේදනයක් පවත්වාගෙන යයි. ඇමරිකාව සහ චීනය දෙරටේ ආර්ථික හා වෙළඳ සාකච්ඡා යාන්ත්‍රණය මනාව ප්‍රයෝජනයට ගනිමින් සංවාද හා සම්බන්ධීකරණය අඛණ්ඩව තහවුරු කිරීමට බලා‍පොරොත්තු වේ.
චීන-ඇමරිකානු නායකයන්ගේ වැදගත් එකඟතා ප්‍රායෝගිකව ක්‍රියාත්මක කරමින් දෙරටේ ආර්ථික හා වෙළඳ සබඳතාවයේ ස්ථාවර, විධිමත් හා අඛණ්ඩ සංවර්ධනය ඒකාබද්ධව ප්‍රවර්ධනය කිරීම චීනයේ අපේක්ෂාව වන බව ද ඇය සඳහන් කළාය.
