ඉදිරියේදී වැඩි රටවලට නිදහස් වීසා ප්‍රතිපත්තිය ක්‍රියාත්මක කරන්නේ ද නැද්ද පිළිබඳව චීන විදේශ අමාත්‍යංශය ප්‍රතිචාර දක්වයි.
චීන විදේශ අමාත්‍යංශයේ ප්‍රකාශක Lin Jian මහතා අද(3) පැවති මාධ්‍ය හමුවේදී පැවසුවේ පසුගිය පළමුදා සිට චීනය ප්‍රථමවරට ලතින් ඇමරිකාව හා කැරිබියන් රටවල් සිය නිදහස් වීසා ප්‍රතිපත්තියට ඇතුළත් කළ බවයි. ඒ අනුව එම ඒකපාර්ශ්වික වීසා නිදහස් කිරීමේ රටවල් සංඛ්‍යාව 43ක් දක්වා වැඩි වී ඇත. නිදහස් වීසා ක්‍රියාත්මක රටවල නම් ලැයිස්තුව අඛණ්ඩව ව්‍යාප්ත කිරීමෙන් ඉහළ මට්ටමේ විවෘතභාවය අඛණ්ඩව ඉදිරියට ගෙන යාමේ චීනයේ දැඩි අධිෂ්ඨානය පිළිබිඹු කෙරේ.
ඉදිරියේදී චීනයට ඇතුළු වීමේ ප්‍රතිපත්තිය අඛණ්ඩව පහසු කරමින් නිදහස් වීසා ප්‍රතිපත්තියට ඇතුළත් කෙරෙන රටවල් සංඛ්‍යාව තවදුරටත් ව්‍යාප්ත කරන බව ද Lin Jian මහතා පැවසීය. ඉහළ විවෘතභාවය සහ ගැඹුරු සහයෝගීතාවය තුළින් ඒ ඒ රටවල් සමග චීනය පොදු සමෘද්ධිය බෙදා ගන්නා බවද ඔහු අවධාරණය කළේය .
