චීන වසන්ත උත්සව කාලය තුළ සිදුකෙරෙන සංචාරක ගමනාගමනයට අදාළ කාර්යබහුලතම සමයේ පළමු දින, එනම් පසුගිය 2වැනිදා, රට පුරා දුම්රියෙන් ගමන් ගත් මගී වාර සංඛ්යාව එක් කෝටි විසි දෙලක්ෂ තිස්පන්දහසක් වූ අතර එහිදී ඔවුන් ප්රවාහනය ආරක්ෂිත, ස්ථාවර සහ ක්රමවත්ව සිදු වූ බව චීන ජාතික දුම්රිය සමූහය පැවසීය.
ඊයේ (3) උදෑසන 8:00 වන විට, වසන්ත උත්සව ගමනාගමනයේ කාර්යබහුලතම සමය සඳහා දුම්රිය ටිකට්පත් මිලියන 84.49 ක් අලෙවි වී තිබුණි.
පූර්ව-අලෙවි දත්ත මත පදනම්ව, තුන් වන දින සඳහා ජනප්රිය පිටත්වීමේ නගර අතර ගුවන්චෞ, බෙයිජිං, ෂැංහයි සහ ෂෙන්චෙන් වන අතර, ජනප්රිය පැමිණීමේ නගර අතර බෙයිජිං, ගුවන්චෞ, චෙන්ග්ඩු සහ නැන්ජිං වේ.
මගීන්ගේ ගමන් අවශ්යතා මුළු ශක්තියෙන් සපුරාලීම සඳහා රට පුරා දුම්රිය දෙපාර්තමේන්තු වසන්ත උත්සව ගමනාගමනය සුමට කිරීමට පියවර රැසක් ගෙන ඇත. ජනප්රිය මාර්ගවල ප්රවාහන ධාරිතාව වැඩි කිරීම, මහජනතාවට පහසුකම් සැලසීමට සහ ප්රතිලාභ ලබා දීමට පියවර ක්රියාත්මක කිරීම ඊට ඇතුළත් වේ.
