විදුලි සන්දේශ හා අන්තර්ජාලය ඔස්සේ වංචා හා අන්තර්ජාතික අපරාධ සිදු කිරීමට එරෙහිව චීනය ප්‍රබල පියවර ගැනීමට සූදානම් වෙයි.
චීන කොමියුනිස්ට් පක්ෂ මධ්‍යම කාරක සභාවේ දේශපාලන කාර්යාංශයේ සාමාජික, විදේශ අමාත්‍ය වං යී මහතා චීනයේ සිටින ආසියාන් සංගමයට අයත් රටවල් 10යේ රාජ්‍යතාන්ත්‍රික නිලධාරීන් හමු විය. එහිදී ඔහු සඳහන් කළේ මෑතකදී තායිලන්තය හා මියන්මාරය අතර දේශ සීමා මායිම් ප්‍රදේශවල දී අන්තර්ජාලය, විදුලි සන්දේශ ඇතුළු මාර්ගවලින් අඛණ්ඩ ව සූදු හා වංචා සිදු වී ඇති බවයි. චීනය ඇතුළු විවිධ රටවල ස්වදේශිකයන්ගේ ප්‍රතිලාභවලට ඉන් දැඩි හානි එල්ල වී ඇත. අදාළ රටවල් සිය වගකීම් හා යුතුකම් ඉටු කරන අතර දැවැන්ත පියවර ගන්නා ලෙසත් එවැනි අපරාධවලට එරෙහිව පහර දෙන ලෙසත් චීන විදේශ අමාත්‍යවරයා එහිදී ඉල්ලීමක් කර තිබේ. එම හමුව ඊයේ(16) බෙයිජිං හිදී සිදු විණ.
මේ සම්බන්ධයෙන් අදහස් දක්වමින් චීන විදේශ අමාත්‍යාංශ ප්‍රකාශක Guo Jiakun මහතා අද(17) පැවති නිත්‍ය මාධ්‍ය හමුවේදී පැවසුවේ එවැනි අපරාධවලට එරෙහිව චීන රජය තරයේ ම ප්‍රතිප්‍රහාර එල්ල කරන අතර චීන ස්වදේශිකයන්ගේ නිත්‍යානුකූල අයිතිවාසිකම් ස්ථිර ව ආරක්ෂා කරන බව යි.
