2026 මුල් මාස දෙක තුළ බෝආඕ ආසියා සංසදයේ ආරම්භක රටවල් හා හයිනාන් පළාත අතර සිදු කෙරුණු ආනයන සහ අපනයනයන්හී සැලකිය යුතු වර්ධනයක් පෙන්නුම් කරයි.
චීනයේ හයිනාන්හි හයිකෝ නගරයේ රේගු සංඛ්යාලේඛනවලට අනුව, 2026 මුල් මාස දෙක තුළ, බෝආඕ ආසියානු සංසදයේ ආරම්භක රටවල් 28 සමග හයිනාන් පළාත සිදු කළ ආනයන සහ අපනයන වටිනාකම යුවාන් බිලියන 17.16 කි. එය පෙර වසරේ සමාන කාලය හා සැසඳීමේදී 28.1% ක වැඩිවීමක් වන අතර, එම කාලය තුළ හයිනාන්හි සමස්ත විදේශ වෙළඳ ආනයන සහ අපනයන වලින් 33.7% කි. ඒ අතරින්, අපනයන වටිනාකම යුවාන් බිලියන 7.18 ක් වූ අතර ආනයන වටිනාකම යුවාන් බිලියන 9.98 කි. එහි වර්ධනය පිළිවෙලින් 62.4% සහ 11.1% ක් බව සංඛ්යාලේඛනවල දැක්වේ.
2026 මුල් මාස දෙක තුළ, හයිනාන් පළාත, සංසදයේ ආරම්භක රටවල් 24 ක් සමග ආනයන හා අපනයන වෙළඳාම ද්විත්ව සංඛ්යාංක වර්ධනයක් අත්කර ගැනීම විශේෂත්වයකි. ඒ අතරින්, ඕස්ට්රේලියාව, වියට්නාමය සහ ජපානය වෙත සිදු කෙරුණු ආනයන හා අපනයන පිළිවෙලින් යුවාන් බිලියන 4.61, බිලියන 1.93 සහ බිලියන 1.29 ක් ලෙස පළමු ස්ථාන තුනට පත්ව ඇති අතර, එය පිළිවෙලින් 10.8%, 10.9% සහ 80% ක වැඩිවීමකි. එම කාලය තුළම, ඉන්දියාව, දකුණු කොරියාව, තායිලන්තය සහ නවසීලන්තය වෙත සිදු කෙරුණු ආනයන හා අපනයන වේගවත් වර්ධනයක් පෙන්නුම් කළ අතර එය පිළිවෙලින් 112.1%, 61.7%, 117.4% සහ 87.7% කින් වැඩි වී තිබේ.
