12 වන බෙයිජිං Xiangshan සංසදයේ ඉහළ මට්ටමේ සංවාදය අද(17) චීනයේ බෙයිජිං ජාත්‍යන්තර සම්මන්ත්‍රණ මධ්‍යස්ථානයේදී පැවැත්විණ. “ජාත්‍යන්තර පටිපාටිය එක්ව ආරක්ෂා කරමින් සාමකාමී සංවර්ධනය එක්ව ප්‍රවර්ධනය කිරීම” යන තේමාව යටතේ මෙම සංසදය අද(17) සිට එළඹෙන 19 වැනිදා දක්වා දින 3ක් පැවැත්වේ.
රටවල්, කලාප සහ ජාත්‍යන්තර සංවිධාන 100කට අධික සංඛ්‍යාවක නියෝජිතයෝ ඊට එක් වෙති. මෙම සංසදය සඳහා ලියාපදිංචි වූ මුළු සහභාගිවන්නන් සංඛ්‍යාව 1,800 කට අධිකය.
මෙම වසර, ජපන් ආක්‍රමණයට එරෙහි චීන මහජන යුද්ධය සහ ලෝක ෆැසිස්ට් විරෝධී යුද්ධය ජයගැනීමේ 80 වන සංවත්සරය මෙන්ම, එක්සත් ජාතීන්ගේ 80 වන සංවත්සරය සනිටුහන් කරයි. මෙම සංසදය “ද්විත්ව 80 වන සංවත්සරය” යන ඓතිහාසික සන්ධිස්ථානයට සමීපව සම්බන්ධ වෙමින්, ජාත්‍යන්තර ප්‍රජාව සමග එක්ව ලෝක ෆැසිස්ට් විරෝධී යුද්ධයේ ජයග්‍රහණය ආරක්ෂා කිරීම වෙනුවෙන් පෙනී සිටී. එසේම ගෝලීය ආරක්ෂක මුලපිරුම සහ ගෝලීය පාලන මුලපිරුම ගැඹුරින් ක්‍රියාත්මක කිරීම සහ පොදු ඉරණමක් සහිත මානව ප්‍රජාවක් ගොඩනැගීම ප්‍රවර්ධනය කිරීම කෙරෙහි එම සංසදය අවධානය යොමු කරයි.
