ගැටුම් හේතුවෙන් පීඩාවට පත්ව සිටින ගාසා තීරයේ සිවිල් වැසියන් වෙත චීනය පරිත්‍යාග කර ඇති ආහාර පැකේජ 60,000 න් 55,000 ක් පමණ කොටස් වශයෙන් ලැබී ඇති බව ජෝර්දානයේ Hashemite පුණ්‍යායතන සංවිධානය පවසයි. එහි නියෝජිතයින් ඊයේ (23) මේ බව නිවේදනය කළේය. ඉතිරි ආහාර පැකේජයන් ද නුදුරේදීම ගාසා තීරය වෙත නැව්ගත කරන බව දැනුම් දී ඇත.
ජෝර්දානය හරහා ගාසා තීරයට ආහාර පැකේජ 60,000 ක් නැව්ගත කිරීම චීන රජය ආරම්භ කළේ පසුගිය පෙබරවාරි මාසයේ දී ය. ඒ අතරින් සියයට තිහක ප්‍රමාණයක් මාර්තු මස මුලදී රාමසාන් උත්සවය ආරම්භයට පෙර ගාසා තීරය වෙත ලැබී තිබිණ. එහෙත් අසල්වැසි රටවල් ගාසා තීරය වෙත මානුෂීය සැපයුම් ප්‍රවාහනය තහනම් කරන බව ඊශ්‍රායලය ඒ වනවිට නිවේදනය කිරීමත් සමඟ ජූලි මාසය වන තෙක් මානුෂීය ආධාර රථ පෙළට ගාසා තීරයට ඇතුළු වීමට අවසර නොලැබුණි. කෙසේ වෙතත්,ඔවුන් තවමත් දැඩි ආරක්ෂක පරීක්ෂාවන්,වරායන්හි ද්‍රව්‍ය රඳවා තබා ගැනීම සහ ආධාර රථ වෙත හිරිහැර කිරීම් වැනි ගැටළු රැසකට මුහුණ දෙමින් සිටින බව වාර්තා වේ.
