තීරුබදු ඉහළ දැමීමේ ඇමරිකානු තර්ජනයට චීනය ප්‍රතිචාර දක්වයි

තීරුබදු පැනවීම සම්බන්ධයෙන් ඇමරිකාව චීනයට එරෙහිව සැලසුම් සහගත ව තවදුරටත් අනිසි පියවර ගතහොත් චීනය ඊට නිසි ප්‍රතිචාර දක්වන බව චීන වාණිජ අමාත්‍යාංශය පවසයි.

සිය දුර්ලභ ඛනිජ අපනයන සීමා කිරීම සඳහා ගන්නා පියවර සම්බන්ධයෙන් දැනුම් දීම පසුගිය 09 වැනිදා  චීනය සිදු කළ බව චීන වාණිජ අමාත්‍යාංශ ප්‍රකාශකයා අද (12) පැවසීය. මෙම ක්‍රියාව, චීන රජය නීති-රීති වලට අනුකූලව සිය අපනයන සීමා කිරීමේ පද්ධතිය වැඩිදියුණු කිරීමට යොදා ගන්නා නිසි ක්‍රියාමාර්ගයකි. ඊට ‍එරෙහිව, ඇමරිකාව 10 වන දා ප්‍රකාශ කළේ චීනයට එරෙහිව 100% ක් දක්වා තීරුබදු පනවන බව සහ සිය සියලු ප්‍රධාන මෘදුකාංග අපනයන පාලනය කරනු ඇති බවයි

මේ සම්බන්ධයෙන් චීන වාණිජ අමාත්‍යාංශ ප්‍රකාශකවරයා පැවසුවේ ඇමරිකාවේ මෙම පියවර ව්‍යවසායයන් හි යුක්තිගරුක හා නීත්‍යනුකූල අයිතිවාසිකම්වලට මෙන්ම ජාත්‍යන්තර ආර්ථික හා වෙළඳ පටිපාටිය ද හානිකර බවයි. එබැවින් සිය වැරදි නිවැරදි කරන ලෙස චීනය ඇමරිකාවෙන් ඉල්ලා සිටී. එමෙන් ම ඔවුන්ගේ සැලසුම් සහගත ක්‍රියාවන්ට එරෙහිව දැඩි පියවර ගනිමින් තම පූර්ණ අයිතිවාසිකම් ආරක්ෂා කිරීමට චීනය ක්‍රියා කරන බව ද චීන වාණිජ අමාත්‍යාංශය අවධාරණය කළේය.