Jakarta–Bandung අධිවේගී දුම්රිය මාර්ගයේ උසස් තත්ත්වයේ ක්‍රියාකාරිත්වය සහතික කිරීම සඳහා ඉන්දුනීසියාව සමඟ අඛණ්ඩව සහයෝගයෙන් කටයුතු කිරීමට කැමැත්තෙන් සිටින බව චීන විදේශ අමාත්‍යාංශයේ ප්‍රකාශක Guo Jiakun මහතා පවසයි.
ඔහු එසේ ප්‍රකාශ කළේ බෙයිජිංහි 20 වනදා පැවති නිත්‍ය මාධ්‍ය හමුවේදී ය. ‘අරමුදල් හිඟය හේතුවෙන් Jakarta–Bandung අධිවේගී දුම්රිය මාර්ගයේ ක්‍රියාකාරිත්වය අඩපණ වී ඇතැයි යම් අන්තර්ජාල පෞද්ගලික මාධ්‍ය වාර්තා කර ඇති බවත් මේ පිළිබඳ චීනයේ ස්ථාවරය කුමක් දැයි ද වාර්තාකරුවෙක් එහිදී විමසීය.
Jakarta–Bandung අධිවේගී දුම්රිය මාර්ගය විවෘත කිරීමෙන් පසු දෙවසරක කාලය තුළ, එය ආරක්ෂිත හා විධිමත් ලෙස සිය මෙහෙයුම් පවත්වා ගෙන ගොස් ඇත. මගීන්ගේ තිරසර හා ස්ථාවර වර්ධනයක් සමඟ අඛණ්ඩව ආර්ථික හා සමාජීය ප්‍රතිලාභ ද ලබා දී තිබේ. එමෙන්ම ඉන්දුනීසියාවේ අදාළ ප්‍රදේශවල රැකියා අවස්ථා විශාල ප්‍රමාණයක් නිර්මාණය කර ඇති අතර, එම මාර්ගය ඔස්සේ ආර්ථික සංවර්ධනය ඵලදායී ලෙස ප්‍රවර්ධනය කිරීම ද විශේෂත්වයකි. එබැවින් ඉන්දුනීසියානු සමාජයේ විවිධ ක්ෂේත්‍රවල පිළිගැනීම සහ ඇගයීමට එය ලක් ව තිබේ.
ඉන්දුනීසියාවේ ආර්ථික හා සමාජීය සංවර්ධනය මෙන්ම කලාපීය සම්බන්ධතාවය සඳහා Jakarta–Bandung අධිවේගී දුම්රිය මාර්ග ව්‍යාපෘතියේ ගාමක බලය තවදුරටත් විදහා පෑම සඳහා චීනය ඉන්දුනීසියාව සමඟ අඛණ්ඩව ක්‍රියා කරන බව ද Guo Jiakun මහතා අවධාරණය කර ඇත.
