නව තිරසර නගර හා මානව ජනාවාස සම්මාන උළෙලේදී සමස්ත සම්මාන 19න් චීනයට සම්මාන නවයක් හිමි ව තිබේ. මානව ජනාවාස පිළිබඳ ගෝලීය සමුළුවේ 20 වැනි සැසිවාරයට සමගාමීව මෙම සම්මාන උළෙල පසුගිය 04 සහ 05 යන දෙදින තුළ ජිනීවා හි ලෝක කාලගුණික විද්යා සංවිධාන මූලස්ථානයේදී පැවැත්විණ.
“නම්යශීලී සහ තිරසර නාගරික අනාගතයක් වෙනුවෙන් දේශීය නවෝත්පාදන සහ සහයෝගීතාව වැඩි දියුණු කිරීම” යන තේමාව යටතේ පැවති මෙම සංසදය සඳහා රජයේ නිලධාරීහු, රාජ්යතාන්ත්රික නියෝජිතයෝ, එක්සත් ජාතීන්ගේ හා වෙනත් ජාත්යන්තර සංවිධානවල නියෝජිතයෝ, ව්යාපාර ප්රධානීහු සහ විශේෂඥයෝ ඇතුළු පුද්ගලයන් 300 කට අධික පිරිසක් සහභාගී වී සිටියහ.
තිරසර සහ දේශගුණික රටාවට අනුවර්තනය විය හැකි නගර නිර්මාණය කිරීම සඳහා “විද්යාව, දත්ත සහ ප්රජාවේ විශේෂඥ දැනුම” භාවිත කරන ලෙස ලෝක කාලගුණ සංවිධානයේ මහලේකම් Celeste Saulo මහතා එහිදී ඉල්ලා සිටියේය. එමෙන්ම මානව ජනාවාස පිළිබඳ ගෝලීය සමුළුවේ 20 වැනි සැසිවාරයේ ජිනීවා ප්රකාශනය ද මෙහිදී නිකුත් කෙරිණ. 2005 වසරේදී ඇරඹි මෙම සංසදය තිරසර නාගරික සංවර්ධනය සඳහා සුවිශේෂ ජාත්යන්තර වේදිකාවකි.
