පසුගිය වසර අවසන් වන විට චීන මහා ගොඩබිමේ වලංගු නව නිපැයුම් පේට්න්ට් බලපත්ර සංඛ්යාව මිලියන 5.32 දක්වා ළඟා වෙයි. චීන ජාතික බුද්ධිමය දේපළ පරිපාලනය ඊයේ(22) මේ බව පැවසීය.
රටේ ඉහළම බුද්ධිමය දේපළ නියාමකයා 2025 වසරේදී නව නිපැයුම් බලපත්ර 972000ක් අනුමත කර ඇත. එමෙන්ම නව නිපැයුම් පේට්න්ට් බලපත්ර අයදුම්පත් සැකසීමේ කාලය මාස 15ක් දක්වා අඩු කර තිබේ.
පසුගිය වසරේදී ඉහළ වටිනාකමක් ඇති නව නිපැයුම් බලපත්රවල සාමාන්ය හිමිකාරිත්වය පුද්ගලයින් 10000කට පේට්න්ට් බලපත්ර 16ක් දක්වා ළඟා වී තිබෙන බව එහි සඳහන් විය.
පෙර වසරේ චීන මහා ගොඩබිමේ ලියාපදිංචි වෙළඳ ලකුණු මිලියන 4.2කට වඩා තිබූ අතර, 2025 වසර වන විට ඵලදායී ලෙස ලියාපදිංචි කර ඇති මුළු වෙළඳ ලකුණු සංඛ්යාව මිලියන 49.87 ඉක්මවීය.
ඉහළම ගෝලීය වෙළඳ නාම 5000 අතර, චීනයේ වෙළඳ නාම වටිනාකම ඇමරිකානු ඩොලර් ට්රිලියන 1.81ක් වන අතර එය ගෝලීය වශයෙන් දෙවන ස්ථානයේ සිටින බව පරිපාලනය ප්රකාශ කළේය.
