චීන උප ජනාධිපති Han Zheng මහතා අද (01) බෙයිජිංහිදී බ්රසීල විදේශ අමාත්ය Mauro Vieira මහතා හමුවිය.
චීනය සැමවිටම උපායමාර්ගික හා දිගුකාලීන දෘෂ්ටිකෝණයක් ඔස්සේ චීන-බ්රසීල සබඳතා වර්ධනය කර ඇති බව Han Zheng මහතා එහිදී පැවසීය. එමෙන්ම රාජ්ය නායකයින් දෙදෙනා විසින් ඇති කරගත් වැදගත් එකඟතාවය ක්රියාත්මක කිරීමට සහ ඉහළ මට්ටමේ උපායමාර්ගික සහයෝගීතාව ඉදිරියට ගෙන යාමට චීනය බ්රසීලය සමග කටයුතු කිරීමට කැමැත්තෙන් සිටින බවත් ඔහු අවධාරණය කළේය. එමෙන්ම, සංවර්ධනය වෙමින් පවතින රටවල අවශ්යතා ආරක්ෂා කිරීම සහ පොදු සංවර්ධනය ප්රවර්ධනය කිරීමේදී ප්රධාන බලවතුන් ලෙස චීනයත් බ්රසීලයත් තම වගකීම පෙන්නුම් කළ යුතු බව ඔහු පැවසීය.
බහුපාර්ශ්විකවාදය වර්තමානයේ පෙර නොවූ විරූ අභියෝගයන්ට ලක්ව ඇති බවත්, එබැවින් බ්රසීලය සහ චීනය අතර පොදු ඉරණමක් සහිත මානව ප්රජාවක් ගොඩනැගීම ගැඹුරු කිරීම විශේෂයෙන් වැදගත් වන බවත් Vieira මහතා සඳහන් කළේය. එමෙන්ම, චීන-බ්රසීල ඉහළ මට්ටමේ සම්බන්ධීකරණ හා සහයෝගිතා කමිටුවේ සම්බන්ධීකරණ කාර්යභාරය උපයෝගී කර ගැනීමට සහ විවිධ ක්ෂේත්රයන්හි සහයෝගීතාව ගැඹුරු කිරීම වෙනුවෙන් චීනය සමග කටයුතු කිරීමට බ්රසීලය කැමැත්තෙන් සිටින බව ද ඔහු වැඩිදුරටත් පැවසීය.
