11 වැනි චීන-බ්රිතාන්ය උපායමාර්ගික සංවාදය පැවැත්වේ. චීන කොමියුනිස්ට් පක්ෂයේ මධ්යම කාරක සභාවේ දේශපාලන කාර්යාංශයේ සාමාජික, විදේශ ඇමති වං යී මහතා සහ බ්රිතාන්ය විදේශ ලේකම් Yvette Cooper මහත්මියගේ ප්රධානත්වයෙන් අද (02) චීනයේ බෙයිජිං අගනුවර දී එය පැවැත්විණ.
බ්රිතාන්ය අග්රාමාත්යවරයාගේ චීන සංචාරය අතරතුර දෙරටේ නායකයන් එළඹුණු එකඟතාවන් ක්රියාත්මක කොට දෙරටේ තිරසර හා ස්ථාවර විස්තීර්ණ උපායමාර්ගික හවුල්කාරිත්වය අඛණ්ඩව ප්රවර්ධනය කළ යුතු බව වං යී මහතා එහිදී අවධාරණය කළේය. උසස් මට්ටමේ විවෘතභාවය චීනය අනුගමනය කරන අතර බ්රිතාන්යයේ චීන ව්යාපාරයන්හි වාණිජ කටයුතුවල සාධාරණත්වය සහතික කිරීමට බලාපොරොත්තු වන බව ද හෙතෙම කියා සිටියේය.
එක්සත් ජාතීන්ගේ ආරක්ෂක මණ්ඩලයේ ස්ථාවර සාමාජික රටවල් වන චීනය හා බ්රිතාන්යය, බහුපාර්ශ්විකත්වය තුළින් ගෝලීය පාලනය වැඩිදියුණු කළ යුතු බව වං යී මහතා අවධාරණය කළේය. එමෙන්ම චීන විදේශ ඇමතිවරයා එහිදී චීන තායිවාන ප්රදේශය සහ හොංකොං විශේෂ පරිපාලන කලාපය සම්බන්ධ චීනයේ ස්ථාවරය පැහැදිලි කළේය.
බ්රිතාන්යය හා චීනය අතර විස්තීර්ණ උපායමාර්ගික හවුල්කාරිත්වය ස්ථානගත කිරීමට තමා එකඟ වන බව Yvette Cooper මහත්මිය මෙහිදී පෙන්වා දුන්නාය. චීනය සමඟ ආර්ථික හා වෙළඳ, කෘත්රිම බුද්ධිය සහ දේශගුණික යනාදී ක්ෂේත්ර රැසක සහයෝගිතා පුළුල් කිරීමට බ්රිතාන්යය සූදානමින් සිටින බවත් ඇය පැවසුවාය. චීන තායිවාන ප්රදේශය සම්බන්ධ බ්රිතාන්ය ප්රතිපත්තිය වෙනස් නොවනු ඇතැයි ද විදේශ ලේකම්වරිය එහිදී යළි ප්රකාශ කළාය.
