චීනයේ තායිවානය පිළිබඳව ජපාන අගමැති Takaichi Sanae සිදු කළ වැරදි ප්රකාශයට විරෝධය පාමින් එරට වැසියන් රට පුරා වීදි බසී. එවැනි විරෝධතා රැළි මේ දිනවල ජපානයේ ප්රධාන නගර රැසකින් වාර්තා වේ. චීනයේ තායිවානය සම්බන්ධව පසුගියදා ජපාන අගමැති Takaichi Sanae ආක්රමණශීලි ප්රකාශයක් සිදු කර තිබේ. එම ප්රකාශය සිදු කළ Takaichi Sanae අගමැතිවරියට කිසිලෙසකින් සමාව දිය නොහැකි බව පවසමින්, මෙම ජපාන විරෝධතාකරුවන් අගමැතිවරියගෙන් ඉල්ලා සිටින්නේ එම ප්රකාශය ඉල්ලා අස් කර ගන්නා ලෙසයි. ජපානය ලෝක යුද සමයේ දී චීනය ඇතුළු ආසියාවේ රටවල් රැසක් ආක්රමණය කරමින් එම රටවල් යටත්විජිත බවට පත් කළ ඉතිහාසය අමතක නොකළ යුතු බවත්, එවන් ඉතිහාසයක් යළි යථාර්ථයක් බවට පත් නොවිය යුතු බවත්, ඔවුන් පෙන්වා දෙයි. කොංග්රස් සභාවේදී Takaichi Sanae, අගමැතිවරිය වශයෙන් එවන් ආක්රමණශීලි ප්රකාශයක් සිදු කිරීම, පුද්ගලික කැමැත්තක් පමණක් නොව ජපාන රජය චීනය සහ සමස්ත ආසියාව කෙරෙහි යුද ප්රකාශ කිරීමක් බඳු ය. එසේ ම ජපාන-ඇමරිකානු ආරක්ෂක ක්රමය එම විරෝධතාකරුවන්ගේ විවේචනයට ලක් විය. ඇමරිකානු හමුදා මූලස්ථාන ජපානයෙන් ඉවත් කළ යුතු බව ද ඔවුන් මෙහිදී වැඩිදුරටත් අවධාරණය කර ඇත.
Menu
